Hildegarda de Bingen nace en Bermersheim, no sur de Alemaña, en 1098. Fráxil e enferma, os asistentes ao parto vaticinan que non pasará da noite. Pero sobrevivirá, e este non será máis que un dos fitos da súa prodixiosa existencia. Desde pequena tivo visións, e aos dez anos recluírona nun convento. Ademais de ser poeta, compositora, bióloga e mística, inventou a medicina natural e a cervexa tal como se fabrica hoxe, e foi a primeira persoa en escribir sobre o orgasmo feminino. Esta monxa de alto berce á que os seus miles de seguidores alcumarían a Sibila do Rin estivo á fronte do mosteiro de Bingen; creou unha orde de relixiosas vestidas de branco e sen veo, que durante as oracións bailaban en círculos con flores no pelo; relacionouse coa nobreza, e arriscou a súa vida desafiando á Igrexa e ata ao emperador Barbarroja.