Dos personaxes da historia recente de Compostela, Franco del Carro é sen dúbida dos máis lendarios. Apareceu arredor de 1978 e durante un ano encheu as paredes de proclamas apocalípticas que atraeron a unha lexión de seguidores: Cada mañá, buscaban polas rúas os seus textos como quen le mensaxes en gravuras encriptadas. En 1980, do mesmo xeito que chegou, desapareceu sen que a ninguén se lle revelase nunca a súa identidade. Un tempo despois, Emilio Araúxo tratou de reconstruír a súa poética nun traballo de arqueoloxía urbana que hoxe publicamos en Chan da Pólvora Editora dentro dun volume onde distintos autores se aproximan, en primeira persoa, a un período compostelán aínda inexplorado: o que vai da morte de Franco en 1975 á declaración da cidade como capital de Galicia.

Adultos/as