Que é a síndrome Wanderlust? É un termo cuxo uso popularizaron as redes sociais e que os psicólogos empregan para designar a aquelas persoas cuxa paixón por viaxar, por coñecer novos destinos, culturas e xentes é insaciable. Deambular, vagabundear polo mundo, viaxar compulsivamente e, ademais, contalo: a síndrome ou espírito Wanderlust afecta en maior ou menor medida aos personaxes destes once relatos escritos, entre outros, por algúns dos autores máis recoñecidos do panorama da narrativa española actual: Marta Sanz, José Ovelleiro, Luisa Castro, Care Santos, David Roias, Eloy Tizón, Sergi Bellver, Roxana Popelka, Carmen R. Piñeiros, Carlos Jiménez Arribas e Emilia Piñeiro. Novelistas, tradutores, profesores universitarios e xornalistas unen as súas voces nesta recompilación de relatos viaxeiros ilustrada por Miguel Vallés Salvador. A viaxe como fuxida e como procura, como cartografía interior. A viaxe como descubrimento. A viaxe como literatura.

Adultos/as